फलटण : तेलंगणातील संगारेडी जिल्ह्यातील तेल्लापुर गावात महात्मा जोतिबा फुले यांच्या पुतळ्याची विटंबना केल्याचा प्रकार समोर आला असून या घटनेमुळे समाजात तीव्र संताप निर्माण झाला असुन या घटनेचा भीम आर्मी संघटनेने फलटण येथे निषेध व्यक्त केला.
फलटण येथील महात्मा फुले यांच्या पुतळ्यास दुग्ध अभिषेक करण्यात आला .संघटनेकडून सांगण्यात आले की, महाराष्ट्रसह देशात काही धार्मिक टोळ्या धिंगाणा घालू लागल्या असून या प्रमुख्याने महापुरूषांच्या पुतळ्याची विटंबना करीत असुन देशाच्या ऐकतेला, धर्मनिरपेक्षता हानी पोहचवित असुन अशा समाजघातकी, राष्ट्रघातकी लोकांवर वेळेतच कडक कारवाई करावी . महात्मा फुले यांच्या पुतळ्याची विटंबना म्हणजे सामाजिक समतेवर, स्वातंत्र्यवर हा घात असून तो कदापि सहन करणार नाही असे संघटने कडून सांगण्यात आले. यावेळी संघटनेचे पदाधिकारी अजित संभाजी मोरे, लक्ष्मण काकडे, सुनील पवार, आदेश कांबळे, विजय कांबळे आदी. उपस्थित होते.
कोणत्याही टिप्पण्या नाहीत:
टिप्पणी पोस्ट करा