फलटण: जिंती गावच्या ग्रामपंचायत उपसरपंच पदी श्री. बुवासाहेब बबनराव रणवरे उर्फ शरद (सर) यांची दुसऱ्यांदा बिनविरोध निवड झाली. याप्रसंगी सरपंच व सर्व सदस्य तसेच श्री. जितोबा ग्रामविकास पॅनेलचे सर्व ज्येष्ठ मार्गदर्शक आणि तरुण कार्यकर्ते उपस्थित होते. यावेळी गावच्या वतीने उपसरपंच बुवासाहेब रणवरे यांचा सत्कार करण्यात आला.
जिंती गावाला मोठी परंपरा आहे. परंपरा अधिक उज्वल करण्यासाठी प्रयत्न करणार असून जिंती गावाने माझ्यावर टाकलेला विश्वास आम्ही सार्थक ठरवू. आतापर्यत जिंती गावचा झालेला विकास पाहता आजून ताकदीने येणाऱ्या काळात सर्वाना सोबत घेवून करू.जिंती गावात चालू असलेली विकास कामे पाहता अजून ताकदीने कसा निधी आणता येईल याचाही प्रयत्न करू, अशी ग्वाही श्री. बुवासाहेब रणवरे यांनी दिली.
यावेळी निवडणूक कामकाज सर्कल अधिकारी श्री. गाडे साहेब यांनी काम पाहिले. तसेच याप्रसंगी तलाठी नलगे भाऊसाहेब आणि ग्रामविकास अधिकारी श्री. बनकर अण्णा उपस्थित होते.या निवडीबद्दल विधान परिषद सदस्य श्रीमंत रामराजे नाईक निंबाळकर, श्रीमंत रघुनाथराजे नाईक निंबाळकर, श्रीमंत संजीवराजे नाईक निंबाळकर, श्रीमंत शिवांजली राजे नाईक निंबाळकर, माजी आमदार दीपकराव चव्हाण यांनी अभिनंदन केले..
कोणत्याही टिप्पण्या नाहीत:
टिप्पणी पोस्ट करा